«Մոռացված երկրի զանգերը» գրքի շնորհանդես

Հոկտեմբերի 24-ին՝ ժամը 19:00-ին, «Զանգակ» գրատան Աբովյան մասնաճյուղում տեղի կունենա Դավիթ Սամվելյանի «Մոռացված երկրի զանգերը» գրքի շնորհանդեսը:

Սա պատմություն է մարդու մասին, որի ամբողջ կյանքն ասես փորձությունների հաղթահարում էր հանուն երազանքի, և այդ երազանքի դժվարին ուղին ծավալվում է մի փոքրիկ գյուղից մինչև մեծ քաղաք՝ հանդիպելով պատերազմի արհավիրքներին, պատերազմ, որում նա հայտնվում է դեպքերի բերումով: Վեպում նկարագրված են 20-րդ դարում Նախիջևանում տիրող միջէթնիկ հարաբերությունները, նախապատերազմական և հետպատերազմական կյանքի դժվարությունները, փոփոխություններն ու լարվա­ծությունը:
Վեպի հերոսի անձնական պատմությունը սերտորեն կապված է հայ ժողովրդի ճակատագրի հետ. պատմության բարդ էջերն անցնում են անհատի կյանքի պրիզմայով՝ արտացոլելով պատմական իրադարձությունների ազդեցությունը սովորական մարդկանց կյանքում:

Շնորհանդեսը կվարի հաղորդավար Հասմիկ Ավագյանը:
Շնորհանդեսի մուտքն ազատ է․ կսպասենք ձեզ Աբովյան 7 հասցեում