Էքսպերիմենտալ դոկումենտալ ֆիլմի ցուցադրում`«Նա, ով ասաց Այո. Նա, ով ասաց Ոչ»

Հրավիրում ենք ներկա գտնվելու էքսպերիմենտալ դոկումենտալ ֆիլմի ցուցադրությանը, որում թատրոնը հանդիսանում է մի հարթակ, որտեղ փորձ է արվում կոտրել կարծրատիպերը և ստեղծել նոր հարաբերություններ թուրք, հայ և սիրիացի դերասաններ միջև:
Ընտրվել է Բերթոլդ Բրեխտի «Նա, ով ասաց Այո. Նա, ով ասաց Ոչ» պիեսը, քանի որ մենք միշտ որոշման առաջ ենք և այդ մի որոշումից կարող է հարյուրավոր ճակատագիր փոխվի։ Ու հիմա էլ մենք կայացնում ենք որոշումներ, որոնք կարող են անդառնալի լինեն, քանի որ ասել այո, դա դեռ չի նշանակում համաձայն լինել։ Կան մարդիկ, ովքեր համաձայնվում են սխալ բաների հետ։ Իսկ ամենավատը՝ մարդիկ էլ կան, ովքեր կարծում են, թե իրենց կարծիքը կարևոր չէ։
Այսպիսով, հայ, թուրք և սիրիացի դերասսանները սկսեցին փորձարկել և աշխատել համատեղ։ Աշխատանքային փորձարկումը տեղի ունեցավ Երևանում և Ստամբուլում։
Ֆիլմը նկարահանվել է Ֆորում թատրոն ՀԿ-ի կողմից 2014-2015թթ. իրականացվող ծրագրի ընթացքում, որը իրականացվում էր Եվրասիա համագործակցություն հիմնադրամի աջակցությամբ: