Գրքի շնորհանդես «Գրիգոր-Շինարար»
Կոմիտասի թանգարան-ինստիտուտում տեղի կունենա մամուլի ասուլիս՝ Հայաստանում Ստաս Նամինի ստեղծագործական օրերի վերաբերյալ: Ասուլիսին կհաջորդի Նամի Միկոյանի «Գրիգոր-Շինարար» գրքի շնորհանդեսը և «Երկրորդ հանրապետության առաջին քարտուղարը» Գ. Ա. Հարությունովի մասին ֆիլմի ցուցադրությունը:
Հայազգի լեգենդար երաժիշտ և նկարիչ, ռեժիսոր և պրոդյուսեր Ստաս Նամինը նշում է իր 65-ամյակը: Հոբելյանի շրջանակներում Հայաստանում առաջին անգամ կանցկացվեն Ստաս Նամինի ստեղծագործական օրերը՝ դեկտեմբերի 14-ից 20-ը:
Ստաս Նամինը ժամանակակից ռուսական մշակույթի խոշորագույն դեմքերից է, ռուսական ռոքի հիմնադիրներից մեկը: Նա երաժշիտ է, կոմպոզիտոր, պրոդյուսեր, նկարիչ: Բացի էստրադային գործունեությունից, զբաղվում է նաև սիմֆոնիկ ստեղծագործություններ գրելով: Նա սիմֆոնիկ երաժշտությունը խառնում է էթնիկ մեղեդիների հետ: Ավելի քան 15 տարի Նամինը Մոսկվայի երաժշտության և դրամայի թատրոնի գեղարվեստական ղեկավարն է: Խորհրդային ականավոր պետական ու քաղաքական գործիչ Անաստաս Միկոյանի թոռն է: