Տարեմուտի գաթա

Ամանորյա տոնակատարություններն աստիճանաբար ավարտին են մոտենում, մենք էլ որոշեցինք ամփոփել դրանք երեխաների հետ տարեմուտի գաթա պատրաստելու ծիսական արարողությամբ: Իհարկե շատ ընտանիքներում արդեն հասցրել են պատրաստել կլոր գաթան ու որոշել այս տարվա ամենահաջողակին: Անգամ այդ դեպքում առաջարկում ենք միանալ մեր միջոցառմանը, անձամբ լավ տրորել խմորը, զարդարել այն ու վայելել հասակակիցների ընկերակցությամբ:
Հնում հայերի համար գաթան ու տոնական այլ քաղցրավենիքները ծիսական դեր ունեին. դրանք կոչված էին կանխարգելել չարն ու հաջողություն ապահովել ողջ տարվա ընթացքում: Մենք էլ այս գաթաներով կփորձենք հաջողություն մաղթել բոլորի ընտանիքներին: Բացի այդ, կկատարենք նաեւ խնձորների օգնությամբ տարվա «ամենահաջողակին» որոշելու հին ավանդույթը:
Ծիսական գաթայի պատրաստման այս վարպետության դասը ոչ միայն հաճելի կլինի երեխաներին որեւէ բան անձամբ պատրաստելու առումով, այլեւ կօգնի զարգացնել մոտորիկան եւ ստեղծագործականությունը: Հատկապես հետաքրքիր կլինի դուրս բերել տարբեր մարդակերպ ու կենդանակերպ գաթաներ:
Հանդիպելու ենք կիրակի՝ 14:00-ին, մասնակցել կարող են 4 տարեկան եւ բարձր երեխաները: Փոքրերին խորհուրդ ենք տալիս միանալ մայրիկի կամ որեւէ մեծահասակի հետ, իսկ 6 տարեկան եւ բարձր երեխաները կարող են մասնակցել նաեւ ինքնուրույն: Յուրաքանչյուր երեխայի մուտքն արժե 2500դրամ:
Մեր հասցեն` Բուզանդի 43 կամ Մաշտոցի այգի (Մարգարյան հիվանդանոցի հարեւանությամբ):
#ՏաՏա #գաթա #ՇաբաթԿիրակի