Բարի օր

Ֆիլմի գլխավոր հերոս՝ հասարակ երևանյան տաքսիստ Հենդոյի կյանքը կտրուկ փոխվում է, երբ ինչ-որ հրաշքով նրա ամեն օրը սկսում է կրկնվել բոլոր մանրուքներով։ Հենդոն պետք է կարողանա դուրս գալ այս անլուծելի և անելանելի իրավիճակից։ Բայց ինչպե՞ս։ Չէ՞ որ ամեն առավոտ արթնանալով՝ նա նույն օրն է ապրում։ Հենդոն հասկանում է, որ պետք է փոխվել։ Նա սկսում է կատարելագործվելու, բարիանալու, կրթվելու իր ճանապարհը՝ օրեցօր ուղղելով նախկին սխալները և դառնալով ավելի լավը: Այս դժվարին ճանապարհին նրան սպասում են անհավանական ու զվարճալի արկածներ, ֆանտաստիկ իրավիճակներ ու պատմություններ։