«Խելագարանք» լուսանկարչական ցուցահանդեսի փակում-քննարկում-ամփոփում

«Ներկայ» արվեստների կառավարման եւ ստեղծարարության կենտրոնը Արամ Կիրակոսյանի հետ համատեղ նախաձեռնում է «Խելագարանք» լուսանկարչական ցուցահանդեսի փակում-քննարկում-ամփոփումը:
Բոլոր նրանք, ովքեր նայել են ցուցադրությունը կամ հետեւել ցուցադրության կայացմանը վիրտուալ տիրույթում սիրով հրավիրվում են Արամի հետ քննարկելու «Խելագարանք» շարքի առաջացրած հարցերը, խոսելու թեմայի ընտրության պատճառների, վերջինիս արդիականության, կարևորության մասին եւ կիսվելու տպավորություններով:
Լուսանկարչի մտահղացմամբ «Խելագարանք»-ը դիտողի մոտ պետք է ծներ հարցեր, մտորումներ եւ առաջարկներ: Թեման, որին անդրադառնում է Արամը ներկայացված է ոչ միայն գեղարվեստական, այլ առաջին հերթին գաղափարական ենթատեքստում: Այն կարելի է բնութագրել որպես կոչ եւ ահազանգ:
Քննարկմանը կմասնակցի նաեւ հատուկ հյուր՝ հոգեբույժ Լիլիթ Բաղդասարյանը: