Կավն ու հեքիաթները. «Չեբուրաշկան»

ՏաՏան շարունակում է խաղ-հեքիաթների հետաքրքիր շարքը փոքրերի համար՝ կավի շուրջ: Մասնակից երեխաները հնարավորություն ունեն իրենց ձեռքով վերստեղծել հեքիաթը կավե հերոսների միջոցով, պատմել ու զարգացնել արկածները: Նրանք նաեւ լավ առիթ ունեն հեքիաթի շրջանակում շփվել հասակակիցների հետ, երեւակայել միասին եւ ավարտից հետո իրենց պատրաստած կավե հերոսներին տուն տանել:
Աշնանային հաջորդ հեքիաթ-հանդիպումը գիտությանն անծանոթ կեդանուն՝ Չեբուրաշկային է նվիրված: Նախ կվերհիշենք մուլտֆիլը, կփորձենք միասին անվանակոչել Չեբուրաշկային՝ նրան նվիրելով նոր անուն մեր կողմից, ինչպես նաեւ կերգենք ու կնվագակցենք հատուկ ինքնաշեն երաժշտական գործիքներով: Այս հետաքրքիր ճանապարհորդությունն ավարտելուց հետո միասին կավով կկերտենք Չեբուրաշկային եւ իր ընկեր կոկորդիլոս Գենային, որ իրենց ամուր եւ բարի ընկերության խորհուրդը վառ օրինակ դառնա եւ միշտ հիշեցնի այդ մասին:
Ավելորդ չէ հիշեցնել կավի դրական ազդեցությունների մասին. այն օգնում է մտածողության, հաղորդակցությանն ու կենտրոնացման զարգացմանը, թեթեւացնում է հոգեբանական լարվածությունը, էսթետիկ հաճույք է պատճառում, ինչպես նաեւ լինելով բնական նյութ՝ օգտակար է մաշկին:
Հանդիպում ենք նոյեմբերի 19-ին՝ կիրակի, 12:00-ին: Միջոցառումը նախատեսված է 3 տարեկան եւ բարձր երեխաների համար, ովքեր կարող են մասնակցել մեծահասակի հետ կամ մենակ, մեր մասնագետները փորձելու են խաղ-հեքիաթի մեջ առավելագույն ներգրավել բոլոր մասնակիցներին եւ նպաստել նրանց շփման հմտությունների զարգացմանը: Մեկ երեխայի համար մասնակցության արժեքը 2000դրամ է, եթե երեխան մասնակցում է ծնողի հետ միասին՝ մուտքը 2500դրամ է:
Մեր հասցեն` Բուզանդի 43՝ Մարգարյան հիվանդանոցի հարեւանությամբ:
#ՏաՏա #ՇաբաթԿիրակի #կավն_ու_հեքիաթները #Չեբուրաշկա