Համերգ ՆԱՄ-ում | Concert at NAI

Դեկտեմբերի 10-ին` ժամը 19:00-ին, «Նարեկացի» արվեստի միությունում տեղի կունենա շվիահար Դավիթ Հարությունյանի՝ «Պահպանելով մերը՝ ազգայինը» խորագիրը կրող համերգային երեկոն:
Երեկոյի ընթացքում կհնչեն հայ և արտասահմանցի կոմպոզիտորների ստեղծագործություններ, ժողովրդական պարեղանակներ, մշակումներ և փոխադրումներ շվի նվագարանի համար, ինչպես նաև Կոմիտասի սակավ կատարվող ստեղծագործությունները:
Միջոցառմանն իր մասնակցությունը կցուցաբերի նաև Երևանի Բ. Կանաչյանի անվան արվեստի դպրոցի ժող. նվագարանների համույթը (գեղ. ղեկավար՝ Հելբերտ Ասատրյան):
Մի շարք հանրապետական և միջազգային մրցույթ-փառատոների մրցանակակիր Դավիթ Հարությունյանը սովորում է Երևանի Բ. Կանաչյանի անվան արվեստի դպրոցի ժող. նվագարանների բաժնի շվիի դասարանում:
Նվագակցող՝ Նարեկ Կազազյան (դաշնամուր)
Մուտքն ազատ է: